沒有Nintendo Live的東京隨心旅 2024 Day 2：河口湖（下）— 大石公園、河口湖駅、富士吉田本町商店街

17/1/2024 (Wed) 上回提要，行完新倉山淺間公園，差不多去食飯， 事前bookmark想食大石公園內的cafe 所以又再上車去大石公園 可能當時太肚餓， 完全唔記得要先去淺間公園附近的本町商店街 結果去緊大石公園途中才記得 折返又太唔順路，唯有去完大石公園再返去 來到大石公園沿小路向右行 公園後面有一群文青風的小屋 來到叫BRAND NEW DAY COFFEE的cafe 在cafe點了pizza和夾有蘋果忌廉的牛角包 Pizza味道不錯，相對牛角包會好食一點 可能已經2點幾，幸好cafe不多人， 順利找到一個近窗而且可以看到富士的位子～ 那天天氣很好，邊食lunch邊看景的感覺真好，心情變得愉快~ 窗邊的位子很受歡迎，大部分人點完餐就是不停打卡XD 食完行下附近幾間小店，主要係買一些文青向的精品 朋友買了一張postcard 回到公園影下富士山和河口湖 公園的一角比較少人，影相可以不用避過人群 大石公園出名波波草，可惜冬天什麼都沒有 好像多左一個理由之後可以再黎多次 雖然沒有波波草，但有少少芒草點綴下 全景～ 嘗試行落湖邊影下相 不過行泥灘怕整污糟對鞋，朋友似乎也不太想久留 影完相還是趕快返上去公園 公園入面有間幾大的紀念品店， 有賣各式各樣的富士山精品， 有富士山的火山岩（唔知買黎做咩w） 還有一間好像幾出名的雪糕店 但去一轉洗手間就說今日賣晒閂門 只差幾分鐘就錯過了 T___T 行完公園差不多4pm，發現太陽開始落山 於是加緊腳步回到座駕趕到下一個checkpoint 從大石公園出來的行車路在河口湖隔離， 恰巧日落時分景色非常美麗~ 下一站來到河口湖車站（中途又兜錯路....） 來到LAWSON河口湖站前店 店舖後面的富士山成為近年在SNS中話題度很高的打卡點 要影到整間LAWSON，最佳拍照位是對面馬路... 所以對面馬路很多人-.- 目測大部分都是說中文.... 有些人直接橫斷馬路，明明行多幾步就有班馬線.... 一間普通便利店後面有富士山都幾特別既 不過真的太多人.....而且很多人都在對面馬路影同伴 導致好多相都有同一堆人攝鏡呆站在LAWSON前-.- 呢張相原本好多人，只好p下圖ww 整體這間LAWSON我覺得很普通， …

沒有Nintendo Live的隨心東京旅2024 Day 2（上）：河口湖 — 河口淺間神社遙拜所、新倉山淺間公園展望台

17/1/2024 (Wed) 是日行程是即日來回河口湖， 上回提過河口湖本身計劃Day 5才去 , 然後夜晚看河口湖冬季花火大會 但天氣報告看到之後幾天河口湖都是多雲， 原計劃的Day 5甚至是100%降雨率， 別說是火花大會，睇景應該也大打折扣 所以一到埗東京就跟朋友商量將河口湖緊急提前到Day 2 事前只是知道河口湖一帶有什麼景點想去， 自於如何由東京前往河口湖， 以至河口湖範圍的景點和景點之間如何坐巴士也沒詳細研究過 JR特急又一早已經full booking..... 又不想坐巴士去之下決定自駕去， 連租車都是前一日來到東京才預約，隨心至極 如果一早預約晒特急/租好車，應該無可能調行程，要局住落雨去 這點我反而覺得hea有hea着.... 有朋友選擇在我原本計劃果日去河口湖， 結果那天還要下雪，什麼風景也看不到.... 每次諗返都覺得呢個係旅程中做得最正確的決定 當然即興隨心既背後，點都有少少撞板的事情， 詳細下面再講~ 因為Day 1坐凌晨機到埗，所以前一晚早少少就休息 但去河口湖始終不能太遲出發，加上冬天日短夜長，5pm就天黑 所以還是預約了8am去高田馬場駅附近租車 （然而遲左少少起身7:50才出發） 行去JR新宿駅見到的3D貓～ 租的是日產，前一日咁急去book車得日產有位... 附近只有高田馬場駅前店是24小時營業 幸好我們是住新宿，只是2個站 大家都懂日文，拿車辦手續時也很順利 但自駕其實有少少冒險... 因為只有朋友識揸車，佢重要唔係經常揸車 而冇車牌既我從來未試過做過導航，講真有少少淆....... 確認好座駕設施和設定好目的地就戰戰競競出發 （*一連好ipad藍芽立即來個kpop playlist www) 但一出發就出現問題 禁了幾下導航螢幕，不知為何剛才設定好的導航資料一下子消失了.... 驚慌了....當時不能妨礙朋友揸車看路況，又要重新設定導航 所以每到燈位才弄導航....很緊張.... 好死唔死個導航手動打地方名是search不到相應地點.. 要用地圖mode由山梨縣慢慢zoom近再用手督差不多位置 真的萬幸自己看地圖方面不差...... 這個都不夠嚴重 最大鑊是這架車的導航箭咀不知為何不是跟住架車行， 需要要隔10秒禁下螢幕好讓箭咀長期在螢幕範圍內， 還有螢幕前進方向不是向北，GPS和顯示彎位有delay …

沒有Nintendo Live的隨心東京旅2024 Day 1：新宿、池袋

好啦，上年3月東京和10月曼谷大阪之旅都冇寫到就來另一次旅行.. 避免自己再拖到爛尾， 還是快速寫今次的旅程 反正這個blog寫自己滿的東西已經沒所謂w 所以今次遊記我真係諗到咩就寫， 如果內容有唔明不解釋請見諒 今次東京旅可以說是10月曼谷大阪之旅的延續(? 大概就是跟朋友去完大阪意猶未盡 回來之後一直很想再去多次日本 10月時見到1月東京會舉辦Nintendo Live Tokyo， 活動期間會舉辦Splatoon世界賽2024， 今次還會有港台代表出戰 因為算是認識香港的代表(?)，所以很想現場觀賽感受氣氛 又成功hkexpress 10週年優惠搶到平機票 然而不知為何最近這幾次旅行搞咩-.- 上次10月旅行特地去泰國看LE SSERAFIM Tour泰國場， 但因成員集體流感而取消白行一敞 今次原本想去的Nintendo Live Tokyo， 好彩唔好彩在12月時任天堂宣佈因活動收到恐嚇， 因此無法確保活動安全下決定取消... 真心笑死，又一次未出發，旅行的重點就沒有了-.- （然後朋友吐槽：次次同你去旅行都係咁既-口-!） 身邊有很多Splatoon的朋友因為Splatoon世界賽而去東京， 所以個個都遭殃了（苦笑 不過幸好今次在東京，即使沒有Nintendo Live Tokyo，東京還有很多地方玩 今次旅行應該是最順心隨便的一次 事前只是好概括想去什麼地方， 除了河口湖外完全沒計劃咩景點係邊一日去 基本上都是去完一個地方才決定下一個地方去邊 15->16/1/2024 (Mon > Tue) 出發當晚是收工返屋企食飯才出門口，抱歉我遲了半個鐘(笑 起飛前一個鐘才到機場，幸運地深夜的機場很少人， 由機鐵落車到閘口我想只花了40分鐘，到了閘口還可以慢慢等 久違的red eye flight， 要不是平機票我真的不會坐凌晨機~_~ 前一晚訓好少，在機上都叫訓得到 但在機上唔係好訓得去邊 因為年初羽田機場發生過意外， 即使很想訓，起飛降落時也特別不讓自己睡， 感覺身邊多左人睇空姐做安全示範和看指示卡 結果整個飛行都非常順利~ …