萬年唔寫一次blog，
上一次遊記不了了之，就來了下一次的旅程
今年第2次旅程，很獵奇地將2個完全沒關係的國家（泰國,日本）編埋一齊
事由是2020年3月時打算跟當時公司的同事去一次廣島大阪之旅，
順道探下當地的日本人同事，當時機票酒店預約好，
但最後因為疫情取消了
所以今次是彌補當年去唔成的關西行，
而3年後既今日，我和同事都離開原本的公司，變成舊同事了w
至於點解去埋曼谷，是為了去看LE SSERAFIM TOUR的泰國場
香港站的票即使後來再加場都非常難搶，曼谷站相對非常容易買到
雖然我不是FEARNOT，但都有聽開她們的歌，
同行的朋友也對她們很有興趣，當時搶不到香港場有點飲恨
所以抱住「反正都要去旅行唔差在先飛一轉曼谷」的心態決定去遠征看她們
應該是我第1次為了韓團兼不是去日本的遠征
然而我們最後有成功買到香港場既飛，而且是超前的位置(笑
香港站是早過曼谷站一個星期，
所以遠征曼谷就是睇多次一樣內容的演唱會了
咁樣去2個地方有少少瘋狂，但就係未試過先要試下(x
Day 0: 2023/10/06-07
就這樣，促成今次一共9日的旅程
首先去曼谷快閃2日看演唱會、然後由曼谷直飛大阪玩7日
除了看LE SSERAFIM和探日本的舊同事，
還會在大阪看Aimer fan club tour和USJ
搭既係Air Asia，我一直記不起它的中文名係咩…..
在機場check-in前整理行李發現背囊拉鏈爆了…
未出發就爛袋，有種不祥預感。。。
之後展開我全程旅行都在找背囊的情節w
上機前入禁區的lounge，
食物種類不多，可以坐陣醫飽肚算係咁
食食下野，朋友突然望住電話說：「哇乜剌激呀。。」
然後話「唉你自己望下啦」遞給我電話一望：
由於有3位成員中了甲型流感，官方宣佈曼谷2場演唱會取消了。。。
第一眼睇到心諗：wtf…未出發就玩咁大lol
我和朋友睇到這個消息只能哭笑不得地繼續在lounge食飯wwww
講笑說什麼：
「咁我地快閃曼谷黎做咩wwwwww」
「我地係咪可以返屋企啦 T w T」
「不如而家唔好去，改機票直飛大阪 」
「是但搵個去日本閘口衝入去！」（x
老實說我收到消息後冇想像中失落….
只是驚訝左一陣後心情很快平復落黎
大概因為一個星期前已經睇左香港場，第2場睇唔到都還可以接受
二黎係好少去泰國，換個角度兩日快閃新地方，多一點時間去行下都唔錯
呃…真係好彩當初冇賣到香港場張飛。。。（遠望
當我們食完準備從lounge離開時，
坐附近有2位男生搭訕問我們係咪去曼谷睇LE SSERAFIM w
（肯定係我地2個討論得太大聲wwwww）
笑死同病相憐呀wwwwww
本身有入到一些香港FEARNOT群組，
不少未起程去泰場的FEARNOT臨時取消機票，
又有一些人照去泰國但一起去玩，不過我們沒加入而是自己去玩
未出發就咁刺激….都係第1次…
自於今次旅程名，是源自采源在tour唱Fire in the belly中段時，用當地語言說出的一句獨白
詳細對白是這樣的w（當中韓國場失誤引起不少話題www）
香港場是「成為我既同伴啦」，既然睇唔到就成為唔到同伴了（苦笑）
扯遠了講返正題，得知無法成為同伴後抱住一個有點忐忑的心情上機
說到旅行當然少不了toro (^^)/
然後在機上偶遇fitness的老師
心諗呢程trip到底發生咩事!!! -口- wwwwwwwww
2個鐘機程打陣機小休一會好快過，12:00am到達曼谷廊曼機場
到埗已到凌晨，所以事前預約kkday call車出市區
未出發之前成日聽到泰國治安唔好，坐車一唔留神好易出事，
所以都提高警覺（最後發覺只係自己太擔心而已）
Call車公司可能專門招待中文的遊客，
不知為何強行將我朋友英文譯做中文，
之後旅程我都用呢個唔咸唔淡既譯名稱呼他（笑
講起果程車真係夠晒刺激，猶如坐緊香港既紅van
司機一邊揸車一邊LINE、一邊睇住youtube既mv狂飛>100km/h，
個心都離一離。。。最後約12:45am安全到埗酒店
曼谷2日住一間叫Hotel tranz的酒店，
近機鐵站，而且近BTS Phaya Thai站 ，非常方便，
大概之後去曼谷都會再住這間
每次去旅行一定會打開電視看看當地的節目
但唔識泰文好多台都睇唔明w
而且夜深都是一些購物節目賣d唔等洗既野（對我黎講
最有親切感都係呢台TVB Thai，講泰文既bobby太有趣了wwwww
睇睇電視就趕去休息，旅程才第2日正式開始呢
（待續）
明明我只想寫總結，點解又變了詳寫。。。（遠望
Lonely Planet* 